మదనపల్లె: మదనపల్లి స్పెషల్‌ సబ్‌ జైల్లో రిమాండ్‌ ఖైదీ అనుమానాస్పద స్థితిలో మృతి చెందడం బుధవారం కలకలం రేపింది. చిత్తూరు జిల్లా పెద్దపంజాణి మండలం, ముత్తుకూరు కి చెందిన మొగిలప్ప (67) నాటు సారా కేసులో అరస్ట్‌ అయ్యాడు. నిందితున్ని తీసుకొచ్చి పోలీసులు మదనపల్లి స్పెషల్‌ సబ్‌ జైల్లో రిమాండ్‌ చేశారు. సబ్‌ జైల్‌ బ్యారక్‌ లో ఉంటున్న మొగిలప్ప బుధవారం ఉదయం అనుమానాస్పద స్థితిలో చనిపోయి ఉండడాన్ని గుర్తించి వెంటనే జైలర్లు మొగిలి అప్పను మదనపల్లి జిల్లా ఆస్పత్రి అత్యవసర విభాగానికి తరలించారు. పరీక్షించిన అత్యవసర విభాగం డాక్టర్లు అతను అప్పటికే చనిపోయాడని నిర్ధారించారు.
