హైదరాబాద్‌ ఏప్రిల్‌ 4: ఎంపీ అవినాష్‌ రెడ్డిముందస్తు బెయిల్‌ రద్దు పిటిషన్‌పై తెలంగాణ హైకోర్టులోగురువారం విచారణ జరిగింది. ఈ పిటిషన్‌పై సీబీఐ తరఫు న్యాయవాది, పిటిషనర్‌ తరఫు న్యాయవాది జడ శ్రావణ్‌ వాదనలు వినిపించారు. ఎంపీ అవినాష్‌ రెడ్డి ద్వారా తనకు ప్రాణాహనీ ఉందని అప్రూవర్‌ దస్తగిరి తరుపు కోర్టు దృష్టి తీసుకెళ్లారు. దేవిరెడ్డి శివ శంకర్‌ రెడ్డి కుమారుడు చైతన్య రెడ్డి.. తాను జైల్లో ఉన్న సమయంలో ప్రలోభాలకు గురిచేశాడని దస్తగిరి పిటిషన్‌లో పేర్కొన్నాడు. తన తండ్రి పైనా అవినాష్‌ అనుచరులు దాడి చేశారని గుర్తు చేశారు. ఎంపీ అవినాష్‌ రెడ్డి చాలా ప్రభావితమైన వ్యక్తి అని, ఆయనకు వెంటనే బెయిల్‌ రద్దు చేయాలని కోర్టును కోరారు పిటిషనర్‌ తరుపు న్యాయవాది.మరోవైపు దస్తగిరికి ప్రాణ హానీ ఉందని సీబీఐ వాదించింది. దీనికి ప్రతిస్పందించిన హైకోర్టు.. దస్తగిరిక ప్రాణ హానీ ఉందని విూరు ఇప్పుడు ఎలా చెబుతున్నారు? అని ప్రశ్నించింది. అవినాష్‌ రెడ్డి బెయిల్‌ రద్దుపై సుప్రీంకోర్టుకు ఎందుకు వెళ్లలేదని సీబీఐని హైకోర్టు సూటిగా ప్రశ్నించింది. ఈ ప్రశ్నకు స్పందించిన సీబీఐ.. సుప్రీంలో బెయిల్‌ రద్దు చేయాలని సవాల్‌ చేసే లోపే వివేకా కూతురు సునీత సుప్రీంకోర్టుకు వెళ్లిందని పేర్కొంది. దీంతో సీబీఐ సైతం సునీత పెటిషన్‌లో కౌంటర్‌ దాఖలు చేశామని హైకోర్టుకు సీబీఐ వివరణ ఇచ్చింది.
