న్యూఢల్లీి, ఫిబ్రవరి 3: బీజేపీ కురువృద్ధుడు, మాజీ డిప్యూటీ ప్రధాని లాల్‌ కృష్ణ అద్వానీకి మన దేశపు అత్యున్నత పౌర పురస్కారాన్ని కేంద్ర ప్రభుత్వం ప్రకటించింది. ఎల్‌కే అద్వానీకి భారత అత్యున్నత పౌర పురస్కారం భారతరత్నను ప్రదానం చేయనున్నట్లు స్వయంగా ప్రధాని నరేంద్ర మోదీ శనివారం ప్రకటించారు. ఈ మేరకు ప్రధానమంత్రి నరేంద్రమోదీ ఎక్స్‌ వేదికగా వెల్లడిరచారు. అద్వానీకి భారతరత్న ఇవ్వనున్నట్లు ప్రకటించిన ప్రధాని మోదీ? దేశానికి అద్వానీ చేసిన సేవలను కొనియాడారు. ఈ సందర్భంగా అద్వానీకి ఫోన్‌ చేసి, కంగ్రాట్స్‌ చెప్పినట్లు మోదీ తెలిపారు. అద్వానీ గొప్ప రాజనీతిజ్ఞుడని.. దేశాభివృద్ధిలో అద్వానీ పాత్ర చరిత్రాత్మకమైనదంటూ మోదీ కొనియాడారు.
మోదీ ట్విట్టర్‌ లో ఏమన్నారంటే..
ఎల్‌కే అద్వానీ భారతరత్న ఇవ్వనున్నట్లు పంచుకోవడం చాలా సంతోషంగా ఉంది.. నేను ఆయనతో మాట్లాడి ఈ గౌరవం పొందినందుకు అభినందించాను. మన కాలంలో అత్యంత గౌరవనీయులైన రాజనీతిజ్ఞులలో ఒకరు, భారతదేశ అభివృద్ధికి ఆయన చేసిన కృషి స్మారకమైనది. అట్టడుగు స్థాయిలో పని చేయడం నుంచి మన ఉప ప్రధానమంత్రిగా దేశానికి సేవ చేయడం వరకు అతని జీవితం స్ఫూర్తిదాయమైనది.. అతను మన హోం మంత్రిగా, ఎడః మంత్రిగా కూడా గుర్తింపు పొందారు. పార్లమెంటరీ జోక్యాలు ఎల్లప్పుడూ ఆదర్శప్రాయమైనవి, గొప్ప అంతర్దృష్టులతో నిండి ఉన్నాయంటూ ప్రధాని మోదీ ట్విట్టర్‌ లో రాశారు.
భారతీయ జనతా పార్టీ సహా వ్యవస్థాపకులు, మాజీ ఉప ప్రధాని లాల్‌ కృష్ణ అద్వానీకి భారతరత్న ఇవ్వనున్నారు. ఈ విషయాన్ని స్వయంగా ప్రధాని నరేంద్ర మోదీ ట్వీట్‌ ఎక్స్‌ ద్వారా తెలియజేశారు. లాల్‌కృష్ణ అద్వానీని భారతరత్నతో సత్కరించనున్న విషయాన్ని పంచుకోవడం చాలా సంతోషంగా ఉందంటూ ప్రధాని మోదీ అన్నారు. ‘అతనితో మాట్లాడి అభినందించాను. అద్వానీ మన కాలంలో అత్యంత గౌరవనీయమైన రాజకీయ నాయకులలో ఒకరు. భారతదేశ అభివృద్ధికి ఆయన చేసిన కృషి మరువలేనిది’ అంటూ ప్రధాని ప్రశంసించారు.భారతదేశ అత్యున్నత గౌరవం భారతరత్నను అద్వానికి ప్రకటించిన కేంద్ర ప్రభుత్వం. ఈ సారి సోషలిస్ట్‌ నేత కర్పూరీ ఠాకూర్‌, అద్వానీ ఇద్దరికి భారతరత్న ఇవ్వడం ఒక విశేషం.
అద్వానికి భారత రత్న ఇవ్వడం ద్వారా తన రాజకీయ గురువు రుణం మోదీ తీర్చుకున్నరా? పార్టీని 2 స్ధానాల నుంచి కేంద్రంలో అధికారంలోకి తీసుకుని రావడంలో అద్వానీది కీలక పాత్ర. అంతేకాదు అయోధ్యలో రామాలయ నిర్మాణంలో అద్వానీ కీలక భూమిక పోషించారు.లాల్‌ కృష్ణ అద్వానీ అట్టడుగు స్థాయిలో పని చేయడం ద్వారా ప్రారంభించి దేశానికి ఉప ప్రధాని అయ్యారు. కేంద్ర హోం మంత్రిగా, సమాచార ప్రసార శాఖ మంత్రిగా కూడా తనదైన ముద్ర వేశారు. లాల్‌ కృష్ణ అద్వానీ మూడు సార్లు బీజేపీ జాతీయ అధ్యక్షుడిగా ఉన్నారు. మాజీ ప్రధాని దివంగత నేత అటల్‌ బిహారీ వాజ్‌పేయి ప్రభుత్వంలో దేశానికి హోం మంత్రి, డిప్యూటీ ప్రధానిగా కూడా సేవలందించారు.లాల్‌ కృష్ణ అద్వానీకి భారతరత్న లభించిన సమాచారాన్ని పంచుకున్న ప్రధాని నరేంద్ర మోడీ, అద్వానీ దశాబ్దాల పాటు ప్రజా జీవితంలో పనిచేశారని, పారదర్శకత, సమగ్రతకు పూర్తిగా కట్టుబడి ఉన్నారని అన్నారు. రాజకీయ నీతిలో అద్వానీ ప్రమాణాలు నెలకొల్పారని ప్రధాని మోదీ కొనియాడారు. జాతీయ ఐక్యత, సాంస్కృతిక పునరుజ్జీవనానికి అద్వానీ ప్రత్యేక కృషి చేశారని ప్రధాని మోదీ పేర్కొన్నారు. ఆయనను భారతరత్నతో సత్కరించడం చాలా భావోద్వేగమైన క్షణం. అతనితో సంభాషించడానికి, అతని నుండి నేర్చుకోవడానికి లెక్కలేనన్ని అవకాశాలు లభించడం నా అదృష్టంగా భావిస్తాను అని ప్రధాని పేర్కొన్నారు.
అద్వానీ బాల్యం ? విద్యాభ్యాసం
లాల్‌ కృష్ణ అద్వానీ భారతీయ జనతా పార్టీకి బలమైన నాయకుడు.
96 ఏళ్ల అద్వానీ 1927లో పాకిస్థాన్‌లోని కరాచీలో జన్మించారు. అతని తండ్రి పేరు కిషన్‌చంద్‌ అద్వానీ, తల్లి పేరు జియాని దేవి. అతని తండ్రి వృత్తిరీత్యా పారిశ్రామికవేత్త. కరాచీలోని సెయింట్‌ పాట్రిక్స్‌ హై స్కూల్‌ నుండి తన ప్రారంభ విద్యను అభ్యసించారు అద్వానీ. ఆ తర్వాత హైదరాబాద్‌లోని సింధ్‌లోని ఆఉ నేషనల్‌ స్కూల్‌లో చేరారు. దేశ విభజన సమయంలో ఆయన కుటుంబం పాకిస్థాన్‌ను వదిలి ముంబైలో స్థిరపడిరది. ఇక్కడి బొంబాయి విశ్వవిద్యాలయంలో లా కళాశాల నుండి న్యాయశాస్త్రం అభ్యసించారు. ఆద్వానీ భార్య పేరు కమలా అద్వానీ. ఆయన కొడుకు జయంత్‌ అద్వానీ, కూతురు ప్రతిభా అద్వానీ.
రాజకీయ ప్రస్థానం..
1942లోనే రాష్ట్రీయ స్వయంసేవక్‌ సంఫ్‌ులో చేరి స్వాతంత్య్ర పోరాటంలో తనవంతు కృషి చేశారు. 1947లో దేశానికి స్వాతంత్య్రం వచ్చి భారత్‌, పాకిస్థాన్‌ల విభజన తర్వాత సింధ్‌ నుంచి కుటుంబంతో సహా ఢల్లీికి వచ్చారు. ఇక్కడ అతను మొదట జన్‌ సంఫ్‌ులో చేరారు. ఎమర్జెన్సీ తర్వాత భారతీయ జనతా పార్టీ వ్యవస్థాపక సభ్యులు అయ్యారు. జూన్‌ 2002 నుండి మే 2004 వరకు మాజీ ప్రధాని అటల్‌ బిహార్‌ వాజ్‌పేయి ప్రభుత్వ హయాంలో ఆయన దేశానికి ఉప ప్రధానమంత్రిగా ఉన్నారు. దీనికి ముందు, 1998 ? 2004 మధ్య బీజేపీ నేతృత్వంలోని నేషనల్‌ డెమోక్రటిక్‌ అలయన్స్‌లో హోం మంత్రిగా ఉన్నారు. భారతీయ జనతా పార్టీకి పునాది వేసిన వారిలో ఆయన ఒకరు. 10వ, 14వ లోక్‌సభలో ప్రతిపక్ష నాయకుడి పాత్రను చాలా చక్కగా పోషించారు. 2015లో భారతదేశం రెండవ అత్యున్నత పౌర పురస్కారమైన పద్మ విభూషణ్‌ను అందుకున్నారు.
జర్నలిస్టుగా అద్వానీ కెరీర్‌
రాజస్థాన్‌ నుంచి ఢల్లీికి వెళ్లిన వెంటనే రాజేంద్రప్రసాద్‌ రోడ్డులోని 30లోని వాజ్‌పేయి నివాసానికి వెళ్లారు. దాదాపు మూడు సంవత్సరాల పాటు ఢల్లీిలో బీజేపీ ఆర్గనైజింగ్‌ సెక్రటరీగా పనిచేసిన తర్వాత, ఆర్గనైజర్‌ అనే వీక్లీ జర్నల్‌లో చేరడం ద్వారా జర్నలిస్టుగా తన ప్రయాణాన్ని ప్రారంభించారు. అతను 1960 సంవత్సరంలో ఆర్గనైజర్‌ మ్యాగజైన్‌లో అసిస్టెంట్‌ ఎడిటర్‌గా చేరాడు.
బీజేపీకి సుదీర్ఘకాలం అధ్యక్షుడిగా..
1980 ? 1990ల మధ్య బీజేపీని దేశంలోని ప్రధాన రాజకీయ జాతీయ పార్టీలలో ఒకటిగా మార్చడంలో అద్వానీ కీలక పాత్ర పోషించారు. 1986 నుండి 1991 వరకు పార్టీ అధ్యక్షుడిగా పనిచేశారు. లోక్‌సభ ఎన్నికల్లో 1984లో 2 స్థానాలతో గెలిస్తే, 1989లో పార్టీ 86 సీట్లు గెలుచుకునేంతగా ఆయన చేసిన కృషీ మరువలేనిది. ఆ పార్టీ 1992లో 121 సీట్లు, 1996లో 161 సీట్లు గెలుచుకుంది.
రామమందిర ఉద్యమం
తొలుత 1990లో అద్వానీ గుజరాత్‌లోని సోమనాథ్‌ నుంచి ఉత్తరప్రదేశ్‌లోని పవిత్ర నగరమైన అయోధ్య వరకు రామరథ యాత్ర చేపట్టారు. రామజన్మభూమి ఉద్యమంలో స్వచ్ఛంద సేవకులను సవిూకరించేందుకు ఈ యాత్ర దోహదపడిరది. దేశవ్యాప్తంగా రామమందిర ఉద్యమాన్ని ప్రారంభించింది ఆయనే. 2019లో, అయోధ్యలో రాముని నిర్మాణానికి సుప్రీంకోర్టు అనుమతినిచ్చింది. ఆ తర్వాత అదే నిర్మాణం ప్రారంభమైంది. ఈ ఏడాది జనవరి 22న దేశ, విదేశాల్లో అత్యుత్సాహంతో ఆలయాన్ని ప్రారంభించారు.
రక్షణ మంత్రి రాజ్‌నాథ్‌ అభినందనలు
రక్షణ మంత్రి రాజ్‌నాథ్‌ సింగ్‌ అద్వానీకి ట్వీట్‌ ద్వారా అభినందనలు తెలిపారు. మనందరికీ స్ఫూర్తిదాయకమైన, దేశంలోని సీనియర్‌ నాయకుడు లాల్‌కృష్ణ అద్వానీకి భారతరత్న ప్రదానం చేయాలనే నిర్ణయం ఎంతో సంతోషాన్ని, ఆనందాన్ని కలిగించిందన్నారు. రాజకీయాల్లో స్వచ్ఛతకు, అంకితభావానికి, సంకల్పానికి ప్రతీక. అద్వానీ తన సుదీర్ఘ ప్రజాజీవితంలో వివిధ స్థాయిల్లో దేశాభివృద్ధికి, దేశ నిర్మాణానికి చేసిన విశేష కృషి మరువలేనిదన్నారు. భారతదేశం ఐక్యత, సమగ్రతను చెక్కుచెదరకుండా ఉంచడంలో ఆయన ముఖ్యమైన పాత్ర పోషించారు. అద్వానీ భారతరత్న పురస్కారం అందుకోవడం ప్రతి భారతీయుడికి సంతోషకరమైన విషయమన్నారు రాజ్‌నాథ్‌ సింగ్‌.
